Џиновските школки перискасе вратија во Јадранското Море

Додека нуркаа во морето оваа зима, нуркачите повторно ги забележаа џиновските школки периска како растат од морското дно.

Станува збор за школки  познати и како благородни долгнавести џиновски школки, ендемски вид во Средоземното Море.

Можат да живеат на длабочина до шеесет метри. Тие се важен дел од морскиот екосистем бидејќи нивната огромна лушпена обвивка претставува засолниште за многу организми долго време откако школката ќе угине.

Овие школки се заштитен вид, па затоа не смеат да се собираат.

Во 1980-тите тие беа наведени како загрозен вид, што веројатно беше предизвикано од човечки активности како што се риболов, користење на мрежи со тралки, закотвување и собирање школки како украс.

д-р Домен Трков , Морска биолошка станица Пиран

„Популацијата на џиновски школки периска еднаш се опорави, но потоа во 2016 година биолозите забележаа дека почнаа масовно да исчезнуваат “ во Средоземното Море.

Во тоа време во Јадранското Море угинаа повеќето возрасни џиновски школки периска.

Нивното угинување најверојатно било предизвикано од протозои или од патогени бактерии.

Меѓутоа, неодамна повторно се појавуваат млади примероци коишто ја населуваат истата средина којашто беше испразнета со угинувањето. Тешко е да се каже која е причината за повторното населување на овие школки бидејќи сè уште не ја знаеме точната причина за нивното угинување.

д-р Домен Трков

„Сепак, факт е дека младите примероци коишто се потомци на преживеаните возрасни школки се вратија на морското дно од планктонски ларви“.

Нуркачите не сакаат да откријат каде се пронајдени, пренесува Борис Шулигој во Дело.

Речник

Популација е поголема група на поедини примероци, обично од ист вид, коишто живеат на исто место.

Ендем е организам којшто живее само во одреден дел од светот.

Протозоите се едноклеточни организми коишто не можат да се класифицираат како животни, растенија или бактерии. Повеќето од нив се микроскопски, некои од нив предизвикуваат болести.

Клучни аспекти што треба да се земат предвид

1. Дали некогаш сте виделе џиновска школка периска?
2. Дали знаете за некои други ендемски видови?
3. Што е планктон?

***

Оригиналната верзија на овој напис беше објавена на 24. јануари