Saša
RebeccaДецата навистина знаат да кажат што не им се допаѓа.
- Не би ви се допаднало некој од училиштето да уреди некоја ваша фотографијата и да ја објави на интернет со навредлив коментар.
- Не би сакале некој да ве претепа во ходникот.
- И не би сакале ако некој ве пипка.
Ова јасно го кажаа учениците на Иван Цанкар, Основното училиште во Врника во Словенија, кои се вклучени во програмата Неон – Безбедни без насилство ( Неон – Варни брез насилја ).
Учениците исто така рекоа дека навредата не е секогаш навредлива за нив – може да биде или пријателска или агресивна, во зависност од тоа од кој и како е кажана.
Со давање свои коментари, студентите се изјаснија дека ние како истражувачи треба подобро да истражиме како тие го доживуваат насилството од врсниците.
Тина Пирц, психолог
Децата и возрасните знаат колку е важно секој да се чувствува безбедно на училиште.
Сепак, премногу често насилството сѐ уште нѐ изненадува.
Понекогаш некој дури може да се посомнева дека нешто се подготвува , како што беше случајот со инцидентот во основното училиште Шмарје во Словенија, но додека не се случи нешто, всушност е тешко да се преземе било какво дејствие.
Така е и во светот на возрасните.
Но, ако знаете дека насилството ви се случува вам или на некој што го познавате, всушност можете да преземете одредено дејствие.
Но како?
Ако се сомневате дека доживувате физичко или вербално насилство, обидете се да одговорите на неколку прашања:
- Како се чувствувам?
- Дали би сакал да разговарам за ова со некого?
- Дали ми треба помош?
Може да им се обратите на пријателите, на родителите, на наставниците или пак на другите возрасни лица на кои им верувате.
Децата, исто така, изјавија дека наидуваат на врсничко насилство неколку пати месечно.
Ако некогаш сте сведок на насилство, можете да помогнете да се спречи.
Важно е да одговорите. На пример, можете да кажете: „Тоа не е точно. Престани сега.”
Учениците кои учествуваа во проектот Неон – Варни брез насилја или Неон – Безбедни без насилство подготвија слично видео на словенечки јазик.
Речник
Навреда е нешто што е кажано за некого и што веројатно ќе го навреди или ќе наштети на неговата/нејзината репутација.
Клучни аспекти што треба да се земат предвид
- Како би одговориле на навреда преку телефон?
- Што би ви било најтешко доколку ве малтретираат врсници?
- Што би помогнало да се спречи насилството во вашето училиште?
***
Оригиналната верзија на овој напис беше објавена на 12 јануари.
Mateja
Sandra
